... oide Wurschthaut, langsam geht dir d' Luft aus, oder? Jetz' zerleng die Ukrainer scho' deine Ölpumpn mittn in Moskau. I moan oiwei, Deine Leit wern se den Schmarrn nimma lang mit oschaun. Der oane oder andere Oligarch wetzt scho seine Messer, wei a mit Dir Haumtaucher koa Geijd mehr verdeant. Du bist ja a nimmer da Jüngste! Was is'n des für a Lem, dauernd im Bunker und wia ma hört fürchst Di eh scho vor Deine eign Leit, wuist Du allen Ernstes Deine letztn Lebensjahr in soicherne Umständ verbringa? Ah so, ja natürlich.. wennst ned aso weitermachst, nachad sperrns Di no in Knast in Den Haag, oder macha Di glei an Kopf kürzer. Schaugt ned guad aus. Wos moanst?
... Folgendes: Du host ja scho a Menge z'rissn, seidst da Präse bist. Schifferl versenkn g'spuit, mit oder ohne Drogen, woas ma ned soo genau, Dir is des eh wurscht. An Maduro host kassiert und dafür oane fast vom gleichen Schlag installiert. Weast as scho wissn wasd machst. Oder aa ned! Bei de Kanadier host da an Schiefer einzong, des host vermutlich so ned erwart? Grönland, ja mei, so lala daad i song. Hätt besser laffa kenna. Jetz' host da no an Kriag mit de Mullahs o'gfangt und jetz' lem de Grattler nach de ganzn Raketen und Bombn owei no. Da kimmst nimmer so leicht raus, jetz' host an Dreck im Schachterl. I woas ned recht, jetz' mechast nembei aa no dauernd de Kubaner tratz'n, is des ned oiss a bissel vui? I moan, Du kanntatst in Deim Oiter doch einfach dahoam bleim? In Florida. Goif spuin und an Herrgod an guadn Mo sei lassn. Waar des ned vui scheena? Wos moanst?
